Capitulum Quārtum
Lingua
Verba Latīna
In hōc lūdō omnia verba Latīna sunt. Hominēs Latīnē dīcunt, et tū audīs. In mūrīs et in sepulcrīs verba Latīna sunt, et tū legis. Nūlla alia lingua hīc est.
Verba nova
Verbum novum caeruleum est. Sī verbum nescīs, id tange: glōssa Latīna adest.
Hīc, in margine, sunt verba et imāginēs. Lūdus quoque ita tē docet.
Gradūs
Prope vīllam verba pauca et facilia sunt; procul ā vīllā multa et difficilia. Gradus prīmus in vīllā est, gradus secundus in compitō et in oppidō. Via longa est, et lingua quoque!
Pēnsum
Lūdus nōn rogat: «Quid hoc verbum significat?» Pamphilus dīcit: «Affer mihi tria māla!» Sī intellegis, tria affers. Age!
Pamphilus dīcit: «Affer mihi tria māla!» Quot māla affers?
Nōn tria māla sunt! Pauca sunt. Fabia tria māla vult.
Ūnum, duo, tria! Tria māla sunt. Bene, domine! Nunc Fabia laeta est.
Edepol! Ūnum, duo, tria, quattuor... Nōn tria sunt! Multa māla habēs. Fabia tria māla vult, nōn multa.
Nōndum perfectus
Lūdus nōndum perfectus est. Vīlla, vīlla rūstica, compitum et Tusculum adsunt; via ad Rōmam clausa est.